Кышкы учак

Категориялар:
Табигать Язмыш

Тагын бер ел иңләп узды

Язмышым урамнарын.

Кайгыларны адаштыра

Яңа ел бураннары.


Кушымта:

Ява карлар, яңа карлар,

Яңа елның кары ява.

Кар өстендә учак булып

Яшьлек елларым яна.


Тагын бер ел шаулап узды,

Туздырып ап-ак карны.

Ак кар булып уйнап оча

Яңа ел шатлыклары.


Кушымта.


Тагын бер ел иңрәп узды,

Тик хәтер булып калды.

Аклык булып җанга иңә

Яңа ел болытлары.


Кушымта.