Ак болытлар

Категориялар:
Табигать Язмыш

Ак болытлар йөзә зәңгәр күктә,

Эх, шуларны тотып аласы.

Яшь гомерләр бик тиз үтәләр шул,

Яшь көенчә килә каласы.


Кушымта:

Ак болытлар йөзә зәңгәр күктә,

Эх, шуларны тотып аласы.

Яшь гомерләр бик тиз үтәләр,

Яшь көенчә килә каласы.


Көтеп тормый hичтә сине вакыт,

Әллә кайда шулай ашыга.

Куып тота алмый яшь гомерне

Җәяүле дә, хәтта атлы да.


Яшьлек бит ул бик тиз үтеп китә,

Хәтирәләр генә калдырып.

Чигә чәчкәйләрен агарталар,

Маңлайларга сырлар калдырып.