Пар алма

Башкаралар:
Айдар Галимов
Категориялар:
Мәхәббәт Яшелчә-җимеш

Алларыма килеп тезләндең син,

Кулларыңда иде пар алма.

Төшләремә кереп һәр көн шулай

Таң атуга китеп югалма.


Өзелепләр төште пар алмакай,

Ятимләнеп калды алмагач.

Өзелә бит инде үзәккәем,

Ялгызлыктан дәва булмагач.


Пар алмадай, пар алмадай иде,

Үз күзләрем тиде, күрәсең.

Пар алмадай бигрәк татлы булып,

Төшләремә минем керәсең.


Җанга явар бары салкын көзләр

Бар төсләрне җиргә тигезләр.

Төшләремдә күргән пар алманы

Бакчаларда йөрим мин эзләп.