Аерылмагыз

Башкаралар:
Ильназ Сафиуллин
Категориялар:
Мәхәббәт

Су буенда ялгыз аккош

Каерылган канатлары.

Канатларны каера ул

Аерылу газаплары.


Аерылмагыз, аерылмагыз,

Булса да сәбәпләре.

Канатларны каера ул

Аерылу сәгатьләре.


Ят кошны пар итмәс аккош

Ялгыз канат какса да.

Бездә бергә булалмабыз

Сулар үргә акса да.


Ялгыз аккош күргән саен

Өзелә бәгырьләрем,

Нигә соң бергә чакларның

Белмибез кадерләрен?


Талларга барып сөялдем,

Белмәдем бөгеләсен.

Белмәдем талларга карап,

Үзәгем өзеләсен.


Талларга карап моңаям

Ялгыз минутларымда.

Бер ялгызымны яндырма

Мәхәббәт утларында.